Қазақстан волейбол құрамасы Паралимпиадада Франциядан басым түсті

Қазақстан құрамасы 2024 жылы Парижде (Франция) өтіп жатқан Паралимпиада ойындарында отырып волейболдан өз өнерін сәтті бастады, деп хабарлайды BAQ.KZ.

Турнирдің алғашқы ойынында қазақстандық волейболшылар Франция құрамасымен кездесіп, үш ойында – 25:7, 25:20, 25:7 есебімен басым түсті.

Айта кетейік, алдын ала турда Қазақстан құрамасы Босния және Герцеговина және Египет құрамаларымен бір топта өнер көрсетеді. Топтан үздік шыққан екі команда жартылай финалға шығып, медальдар үшін таласады.