Қазақстан полицейлері 2024 жылды өз жұмысын жақсартуға арнайды

25 Желтоқсан 2023, 13:17
577
Бөлісу:
Қазақстан полицейлері 2024 жылды өз жұмысын жақсартуға арнайды
Фото: polisia.kz

2024 жыл ІІМ-де кадр сапасын жақсарту жылы болып жарияланды, деп хабарлайды BAQ.KZ Polisia.kz сайтына сілтеме жасап.

Ішкі істер министрлігінде сала ардагерлерімен және өңірлік полиция департаменттері бастықтарының кадр саясаты жөніндегі орынбасарларымен кездесу өтті. Жиынға ведомство басшысы Ержан Саденов төрағалық етті.

Бізге қойылған міндеттердің бәрі өзгеріссіз. Бұл – қоғамдық қауіпсіздік, қылмысты ашу, оны тергеу және сотқа жіберу. Мұның барлығын біздің қызметкерлер жүзеге асырады. Осыған байланысты менің тапсырмам бойынша 2024 жыл кадр сапасын жақсарту жылы болып жарияланды. Қазір жоспар әзірленіп жатыр. Онда іс-шаралар кешені көзделген, – деді ішкі істер министрі Ержан Саденов.

Сонымен қатар полиция ведомствосы полицейлердің кәсіби қалыптасуына көмек көрсету, оларды азаматтардың құқығына құрметпен қарауға тәрбиелеу, сондай-ақ ішкі істер органдарында сапалы кадр ядросын қалыптастыру мақсатында тәлімгерлер кеңесінің жұмысын қайта жандандырып жатыр. Ардагерлердің білімі, даналығы мен өмірлік тәжірибесі жас офицерлер үшін маңызды.

Өзгелердің жаңалығы