Қазақстан қорғаныс ведомствосының басшысы генерал-полковник Руслан Жақсылықов Иран Ислам Республикасының қорғаныс министрі генерал-майор Аштиани Мохаммад Реза Караимен кездесті, деп хабарлайды BAQ.KZ.
ШЫҰ-ға мүше мемлекеттер қорғаныс ведомстволары басшыларының кеңесі аясында Қазақстан қорғаныс ведомствосының басшысы генерал-полковник Руслан Жақсылықов Иран Ислам Республикасының қорғаныс министрі генерал-майор Аштиани Мохаммад Реза Караимен кездесті.
Тараптар екіжақты ынтымақтастық мәселелерін талқылады. 2023 жылғы маусымнан бастап Қазақстан төрағалық ететін Шанхай Ынтымақтастық Ұйымы форматындағы іс-шараларға Иран Қарулы күштері өкілдерінің қатысуы жөнінде пікір алмасты.
Иран Ислам Республикасы өткен жылы ШЫҰ-ға мүшелік рәсімдерін аяқтады, сондықтан қорғаныс ведомстволары басшыларының осы кеңесінде толыққанды қатысушы ретінде әрекет ететінін айта кету керек.
