Нұр-Сұлтан, BAQ.KZ. Футболдан UEFA Ұлттар лигасының үшінші турында Қазақстан кезекті ойынын сырт алаңда Беларуське қарсы өткізді.
Ойын барысында қазақстандық футболшылар тізгінді өз қолына алуға тырысты. Нәтижесінде бірінші кезеңнің 13-минутында Абат Айымбетов мергендігімен көзге түсті. Бұл – Абаттың аталған турнир барысында соққан үшінші голы. Бұдан бұрын өз алаңындағы Әзербайжанмен кездесуде ол қос голдың авторы атанған.
Екінші кезеңде Беларусь құрамасы таразы басын теңестіруге ұмтылды. Ойынның 85-минутында беларусьтік Владислав Малькевич гол соқты.
Кездесуде құрамалар 1:1 есебімен тең түсті.
Алда Қазақстан 13 маусымда өз алаңында Словакияны қабылдайды. Үш ойыннан кейін Қазақстан 7 ұпаймен көш басында келеді.
