Қазақмыс филиалының атауы Қ.И. Сәтбаевтың құрметіне өзгертілді

"Қазақмыс корпорациясы" ЖШС филиалы "Жезказғантүстімет" ӨБ атауы ресми түрде Қ.И. Сәтбаев атындағы «Жезказғантүстімет» ӨБ болып өзгертілді, деп хабарлайды BAQ.KZ.

Бұл тарихи қадам биыл 125 жасқа толған көрнекті ғалым және қазақстандық геологияның тұңғыш жол салушысы Қаныш Сәтбаевтың ғылымға қосқан үлесін мәңгі есте қалдыруды көздейді.

Қаныш Имантайұлы Сәтбаев Қазақстанның тау-кен металлургия саласының дамуына зор үлес қосты. Филиал атауын өзгерту – бұл ұлы ғалымның рухына құрмет ғана емес, оның Қазақстанның өнеркәсіптік және әлеуметтік дамуына қосқан үлесін мойындау, – деп жазды министрлік.