Қауіпсіздік Кеңесінің бөлім меңгерушісі лауазымынан босатылды

15 Қаңтар 2024, 09:05
491
Бөлісу:
Қауіпсіздік Кеңесінің бөлім меңгерушісі лауазымынан босатылды

Бұл туралы Ақорданың ресми сайты жазды, деп хабарлайды BAQ.KZ.

Мемлекет басшысының өкімімен Русланбек Кеңесбекұлы Бекжігітов Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімінің меңгерушісі лауазымынан босатылды, - делінген хабарламада.

Русланбек Бекжігітов 1971 жылы 13 қаңтарда дүниеге келді. 1989 жылы Бауыржан Момышұлы атындағы әскери мектепті аяқтағаннан кейін А. Можайский атындағы әскер-ғарыш инженерлік академиясына түскен. Сонымен қатар Құқықтану академиясы – «Әділет» жоғары заң мектебінде оқыған.

Әскери-әуе күштерінің әскери бөлімдерінде және Қазақстан Республикасы Қорғаныс министрлігінің орталық аппаратында әртүрлі лауазымдарда қызмет етті (1994-1999);

Қазақстан Республикасы премьер-министрі кеңсесінің құрылымдық бөлімшелерінде қорғаныс және құқықтық тәртіп мәселелеріне жетекшілік етті (1999-2002);

Қазақстан Республикасы Қауіпсіздік Кеңесі аппаратының қызметкері (2002-06.2015 ж.);

Қазақстан Республикасы Қауіпсіздік кеңесінің жалпы қауіпсіздік мәселелері басқармасының басшысы (06.2015-03.2021).

2022 жылы 25 мамырдан бүгінгі күнге дейін Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімінің меңгерушісі қызметінде болды.

Өзгелердің жаңалығы