Қатар Әмірі шейх Тәмим бен Хамад Әл Тәни Қасым-Жомарт Тоқаевты футболдан әлем чемпионатына шақырды, деп хабарлайды BAQ.KZ тілшісі.
Қараша айының соңында Қатарда футболдан әлем чемпионаты басталады. Осыған орай Қазақстанның футбол жанкүйерлерін әлемдік доданы тамашалауға шақырамын. Бүгін мен Президент мырзаға да футболдан әлем чемпионатын көруге шақыруымды жеткіздім. Сол уақытта Қазақстанда Президент сайлауы өтетінін білемін. Дегенмен, сізді осы чемпионатқа келеді деп үміттенемін, - деді Қатар Әмірі Ақордада Мемлекет басшысымен кездесуден соң.
Еске сала кетейік, биыл Қатарда қараша айының соңында футболдан әлем чемпионат басталады.
Бұған дейін жазғандай, Мемлекет басшысы Қасым-Жомарт Тоқаев Қатар Әмірі шейх Тәмим бен Хамад Әл Тәниді қазақ-қатар қарым-қатынасын тұрақты дамытуға өлшеусіз үлес қосқаны үшін еліміздің ең жоғарғы наградасы – «Алтын қыран» орденімен марапаттаған еді.
Сонымен қатар бүгін Мемлекет басшысы Қатар Әмірі шейх Тәмим бен Хамад Әл Тәнимен шағын құрамда келіссөз жүргізді.
