Қасым-Жомарт Тоқаев Түркі мемлекеттерінің саммитіне қатысу үшін Анкараға барды

Қасым-Жомарт Тоқаев Түркі мемлекеттері ұйымының 13-ші саммитіне қатысу үшін Анкарадағы Президент кешенінің Көрме орталығына барды.

Түркі мемлекеттері ұйымының 13-саммитіне қатысушы делегация басшылары бірге суретке түсті.

Саммит 29-30 қазанда Түркия астанасында өтуде. Кездесу барысында қатысушылар саяси және экономикалық ынтымақтастықты, көлік байланыстарын, энергетика саласын және өңірлік қауіпсіздік мәселелерін дамыту жолдарын талқылайды деп күтілуде.

Саммит қарсаңында Қасым-Жомарт Тоқаев Түркия Президенті Режеп Тайип Ердоғанмен келіссөз жүргізді. Мемлекет басшылары делегациялардың шағын және кеңейтілген құрамында екіжақты ынтымақтастық мәселелерін талқылады.