Қарағанды облысында Үштөбе ауылы бағытындағы жолда қауіпсіздік арта түсті. Жол бойында жарықтандыру желісі орнатылды, деп хабарлайды BAQ.KZ.
Жол бойына жарыш орнату туралы осыған дейін тұрғындар өтінген болатын.
Қарағанды – Үштөбе автожолында осыған дейін жарық болмаған. Ауыл тұрғындары бұл мәселеге бірнеше рет назар аударуды сұраған. Мәселе шешілді.
"Облыстық маңызы бар Қарағанды – Үштөбе автожолында қауіпсіздікті арттыру мақсатында сыртқы жарықтандырудың жаңа желісі жабдықталды. Жол бойында жарықдиодты шамдары бар 320 тірек орнатылған. Бүгінде желі толық жұмыс істейді", – деп хабарлады Қарағанды облысының жолаушылар көлігі және автомобиль жолдары басқармасы.
