Қарағандыда жеңіл атлетика жұлдыздары аллеясы пайда болды, деп хабарлайды BAQ.KZ.
Владимир Муравьев – жеңіл атлетикадан Қазақстандағы жалғыз екі дүркін Олимпиада чемпионы, Олимпиада ойындарының жүлдегері Дмитрий Карпов, Азия ойындары мен Азия Чемпионаттарының жеңімпаздары Сергей Засимович және Марина Аитова. Бұл Қ. Нұржанов атындағы Қарағанды жеңіл атлетика манежінде Жұлдыздар аллеясына белгілері қойылған атақты спортшылардың алғашқы төрттігі.
Ашылу салтанатына еңбек сіңірген жаттықтырушылар, спортшылар мен жас жеңіл атлеттер келді.
Жас ұрпақ облысымыздың көрнекті спортшыларына назар аударуы керек. Бұл спорт жұлдыздары олар үшін мақтаныш болуы керек. Әзірге тек төрт жұлдыз бар, бірақ олар шынымен де жарқын, лайықты. Жеңіл атлеттің шыңы - төрт жылда бір рет өтетін Олимпиада және Азия ойындары. Сондықтан таңдау бірауыздан келісілді, - деді Нұрлан Түсіпов, жеңіл атлетикадан ОМОРБЖМ басшысы.
Жұлдыздар заманауи стильде жасалған. Белгіде спортшылардың есімдері және жетістіктері жазылған.
Органикалық шыны мен металдың дизайны бірден назар аударады. Қараңғыда жұлдыздар жарқырайды.
Сондай-ақ аллеяда болашақта орнатылатын басқа да жұлдыздарға орын бар. Жақында жаңа жұлдыздар жануы мүмкін.
Қарағандылық жеңіл атлеттер үшін алда биыл Қытайда Азия ойындары мен Францияда 2024 жылғы Олимпиада Ойындары тұр.
Аллеяның ашылу салтанатында үздік тәлімгерлерге дене шынықтыру мен спортты дамытуға қосқан елеулі үлесі үшін алғыс хаттар мен Құрмет грамоталары табыс етілді. Жеңіл атлетика мектебінің тәрбиеленушілері - Қазақстан чемпиондары мен халықаралық жарыстардың жүлдегерлері де атап өтілді.
