Нұр-Сұлтан, BAQ.KZ. Қарағанды орман және жануарлар дүниесін қорғау жөніндегі мемлекеттік инспекторлары Нұра-Сарысу облысаралық бассейндік балық шаруашылығы инспекциясының инспекторларымен бірлесіп облыстың өзендері мен көлдерінде шұңқырлар бұрғылауда, деп хабарлады облыс әкімдігінің ресми сайты.
Балықтарды құтқару бойынша іс-шаралар Абай және Бұқар Жырау аудандарының Кіші Сарыкөл мен Петровкада өткізіліп, наурыз айының соңына дейін резервтік балық шаруашылығы су айдындарында жалғасады.
Суды оттегімен қанықтыру үшін саңылаулар жасау қажет. Қар мен аяз судағы жануарлар үшін нақты проблема болып табылады, себебі мұздың жоғары қалыңдығы мен қар жамылғысы су объектілеріне оттегі мен жарықтың түсуіне кедергі болып табылады, дейді мамандар. Бұл балықтың жаппай қырылуына әкелуі мүмкін.
Мұндай құбылыстардың алдын алу үшін саңылауларды бұрғылау және оларды қамыспен толтыру арқылы балықтардың қырылуының алдын алу шаралары жүзеге асырылады. Бұл ретте ауа өсімдіктер арқылы судың түбіне өтеді.
Балықты құтқару жұмыстары жыл сайын және тек резервтік су айдындарында жүргізіледі. Бекітілген су айдындарында саңылауларды табиғат пайдаланушылары бұрғылайды. Бүгінгі күні мемлекеттік инспекторлардың қорғауында 98 резервтік балық шаруашылығы су айдындары бар.
Балықтың жаппай қырылуына қарсы іс-шаралар су жануарларына соңғы аязды күндерден аман-есен шығуға және көктемгі мұздың еруін және су объектілерінің ашылуын күтуге мүмкіндік береді.
