Қарағанды облысында ҚТҚ-ға арналған алты жаңа полигон пайда болады. Абай ауданында олардың біреуі салына бастады, деп хабарлайды BAQ.KZ.
Полигонның ауданы 10 гектарды құрайды, ол Абайдан 3 км қашықтықта орналасқан.
Полигондар және "Таза Қазақстан" акциясының аралық қорытындылары туралы Өңірлік коммуникациялар қызметі платформасында өткен брифингте Қарағанды облысының Табиғи ресурстар және табиғатты пайдалануды реттеу басқармасының басшысы Бақтияр Санбаев айтып берді.
Алдағы үш жылда Балқаш, Абай, Қарқаралы және Бұқар Жырау, Шет және Нұра аудандарында сұрыптау желілері бар қосымша алты ҚТҚ полигонын салу жоспарлануда. Абайда жұмыс басталды. Қалғандары бойынша ЖСҚ әзірлейміз. Облыста барлығы 168 полигон бар, оның ішінде бүгінгі таңда 51-і экологиялық және санитарлық талаптарға сәйкес келеді, – деді Бақтияр Санбаев.
Өңірде "Таза Қазақстан" республикалық экоакциясы аясында жұмыстар жалғасуда. Оған 149 мың адам қатысып, 70 мың тонна қалдық шығарылды, 1102 контейнер мен 278 контейнер алаңы орнатылды.
Санитарлық тазарту өңірдің 273 саябағы мен гүлзарларында өтті, 441 тарихи-мәдени ескерткіш жөнделіп, ретке келтірілді, 131 мыңнан астам ағаш пен 7 мың бұта енілді. ӘҚБтК-нің 505-бабы бойынша 6981 ескерту жасалып, 645 айыппұл жазылды, – деп атап өтті спикер.
Сондай-ақ, Қарағанды облысында рұқсат етілмеген полигондарға қарсы күрес жалғасуда. Өңірлік экология департаментінің қызметкерлері рұқсат етілмеген жерлерге қоқыс жинақталған 193 орынды анықтады, оның 123-і жойылды. Космомониторингтің көмегімен 303 полигон табылды, олар да жойылды.
"Таза Қазақстан" акциясы жыл соңына дейін жалғасады.
