Нұр-Сұлтан, BAQ.KZ. АҚШ-та үлкен теннистен әйгілі US Open турнирі жалғасуда. Қазақстандық Юлия Путинцева бүгін төртінші айналымда бақ сынайды деп хабарлайды Olympic.kz.
1/8 айналымда Путинцева хорватиялық Петра Мартичке қарсы ойнайды. Қазақстандық теннисші WTA рейтингінде 35-і, хорватиялық спортшы 15-і орында тұр.
Айта кетейік, осыған дейін қазақстандық теннисші Юлия Путинцева АҚШ ашық біріншілігінде кезекті жеңісіне қол жеткізді.
Қазақстан құрамасының өкілі үшінші айналымда белорустық Александра Сосновичті ұтты. Екеуара кездесу 2 сағат 1 минутқа созылып, 3:6, 6:2, 6:1 есебімен аяқталды.
