Нұр-Сұлтан, BAQ.KZ.KZ. Еліміздің ең элиталық әскери құрылымы – «Айбын» Президенттік полкі әскерге шақыру науқанын бастады, деп хабарлады Мемлекеттік күзет қызметінің баспасөз қызметі.
Қазақстан Республикасы Мемлекеттік күзет қызметінің "Айбын" Президенттік полкі қатарында әскери борышын өтеуге ниетті үміткерлерді Мемлекеттік күзет қызметінің офицерлері жергілікті Қорғаныс істер бойынша Департаменттеріне наурыздың 24-і мен сәуірдің 24-і аралығында сұхбаттасуға шақырады,-делінген хабарламада.
Үміткер ретінде бойы 185 см-ден кем емес, бойында қырағылық пен батылдық қасиеті бар, моральдық-психологиялық тұрғыдан берік бозбалалар қарастырылады.
