Ауа райына байланысты қар құрсауында қалып қойған адамдарға полицейлер көмектесуде, деп хабарлайды BAQ.KZ.
Қарлы боран мен бірқатар жолдардың жабылуына байланысты Түркістан облысының патрульдік полицейлері облыс трассаларында тәулік бойы жұмыс істеп жатыр.
Қар тазалайтын машиналардың кедергісіз қозғалуына, жолаушыларды қауіпсіз орындарға және жылыту пункттеріне орналастыруға көмек көрсетті.
Түркістан обылсы тәртіп сақшылары тұрғындардың қауіпсіздігі үшін үздіксіз қызметті жалғастырады және тұрғындарға ұзақ жолға шықпауға кеңес береді.
Сондай-ақ жамбылдық учаскелік полицейлер қар құрсауында далада қалған азаматтарды құтқаруда.
Ал Абай облысында ауа райына байланысты республикалық және жергілікті маңызы бар жолдардың 24 учаскесі қозғалыс үшін жабылды
Сонымен қатар Шығыс Қазақстан облысының полицейлері жүк көліктерінің жүргізушілеріне тамақ пен ыстық шай ұсынды.
Бірнеше күннен бері еліміздің шығысында қатты аяз жүріп, барлық бағыттағы жолдар таңертеңге дейін дизельді көліктер үшін жабық. Ең қиын жағдай жүк көлігі жүргізушілері үшін.
Патрульдік полиция қызметкерлері жүк көліктері жүргізушілеріне ыстық сусындар және тағамдар ұсынып, жол бойында олар қандай да бір көмекке мұқтаж ба екенін сұрады.
