Петропавлда пешті бензинмен жақпақ болған ер адам күйіп қалды

Пешті бензинмен жақпақ болған ер адам күйіп қалып, ауруханаға түсті. 

Көпбейінді қалалық жедел медициналық көмек ауруханасының бет-жақ бөлімшесіне ауыр күйік шалған 68 жастағы ер адам жеткізілген. 

Алдын ала мәліметтер бойынша, ол жарақатты пешті бензинмен тұтатпақ болған кезде алған. Бірнеше секунд ішінде от лапылдап кетіп, оның бетін, мойнын, кеудесін және екі қолын күйдірген.

Тексеруден кейін дәрігерлер 2-3А дәрежелі жалыннан болған термиялық күйік диагнозын қойды. Денесінің зақымдану аумағы 22%-ды құрады.

Қазіргі уақытта емделуші медицина мамандарының бақылауымен ем қабылдауда.