Пандемия бір-бірімізге қамқорлық жасауды үйретті – елші

20 Желтоқсан 2020, 09:31
2434
Бөлісу:
Пандемия бір-бірімізге қамқорлық жасауды үйретті – елші

Нұр-Сұлтан, BAQ.KZ тілшісі. Қазақстан Республикасындағы Үндістан елшілігі 2020 жылды қорытындылап, Үндістанның COVID-19 індетімен қалай күрескенін журналистермен кездесуінде қысқаша баяндап берді. 

Қазақстан Республикасындағы Үндістанның төтенше және өкілетті елшісі Прабхат Кумардың айтуынша, пандемия бәріне бірдей әсер етті. 

«Әр жамандықтан жақсы нәрсе табуға болады» деп айтып жатады. Сондықтан 2020 жыл адамзат үшін ең жақсы жыл болмаса да, пандемия біздің діндерімізге, мәдениеттерімізге, дәстүрлерімізге қарамастан бәріміз бірдей екенімізді үйретті. Вирус кедейге де, байға да бірдей әсер етті. Ол сондай-ақ, бір-бірімізге қамқорлық жасауды үйретті, - дейді ол. 

Дипломат 1,3 миллиард халқы бар Үндістан COVID-19 індетімен қалай күрескені туралы айтып берді. 

28 қарашадағы жағдай бойынша Үндістанда миллион адамға 6731 жағдай тіркелді. Салыстырмалы түрде алсақ, АҚШ-та миллионға 40 000 жағдай, Ұлыбританияда - 23 361, Францияда - 33 424, Бразилияда - 29 129, Италияда - 25 456 жағдай анықталды. Бұл елдердің көпшілігінде миллионға шаққандағы жағдайлардың саны Үндістанға қарағанда 4-5 есе көп, - деп атап өтті елші Прабхат Кумар. 

Ол айтқандай, әрбір адамның өмірі қымбат. Дегенмен 28 қарашадағы ахуал бойынша Үндістанда миллион адамға шаққанда 98 өлім болды, АҚШ-та - 813, Бразилияда - 805, Францияда - 780, Испанияда - 955, Ұлыбританияда - 846 және Италияда - 888. Бұл елдердің барлығында дерлік бір миллион халқы үшін Үндістанға қарағанда 8-9 есе көп өлім бар. 

Үндістан премьер-министр Нарендра Модидің көреген басшылығымен пандемияға тез жауап берді. 7 қаңтарда Қытай әлемге Ухань вирусы туралы хабарлады. Келесі күні 8 қаңтарда Үндістанда осы мәселе бойынша жиналыс өтті. Сондай-ақ, Үндістан 17 қаңтардан бастап жолаушыларды тексеруді бастаған алғашқы елдердің бірі болды. Үндістан РТ-ПТР сынақтарымен қатар антигендерге жедел тесттерді алғашқылардың бірі болып енгізді. Бастапқыда Үндістан бұл стратегия үшін сынға ұшырады, бірақ кейінірек ДДҰ өзі осы модельді қабылдады. Бұл наурыздың бірінші аптасында, Премьер-министр Моди кез келген қоғамдық іс-шараларға қатыспайтынын жариялады, - дейді дипломат. 

Ол Үндістанда премьер-министр Нарендра Моди 2020 жылдың 24 наурызынан бастап Ұлттық локдаунды енгізу туралы шешім қабылдағанын айтты.  

Бұл шешімнің өзі Үндістанның траекториясын өзгертті. Бұл үкіметке пандемиямен күресу үшін инфрақұрылым құруда шешуші кезең болды. Оқшаулау кезеңінде COVID-19 үшін 15 362 мамандандырылған медициналық мекеме, шамамен 1,54 миллион төсек, 270 000 оттегі төсегі және 78 000 реанимация төсегі, елдегі мемлекеттік ауруханаларда 32 400 вентилятор, 37 миллион N95 маска және 16 миллион қорғаныс костюмдері құрылды. Ел пандемиямен күресіп жатқанда әлеуметтік аз қамтылған халықтың жағдайына назар аудару қажет болды. Осылайша, Үкімет Прадхан Мантри пакеті арқылы Гариб Кальян (PMGKP) 1700 миллиард рупийге, яғни кедейлерге арналған әлеуметтік қамсыздандыру бағдарламасы арқылы әйелдер мен кедей қарт адамдар мен фермерлерге тегін азық-түлік пен ақшалай төлемдер төлеуді жариялады, - деп айтты Үндістан елшісі. 

Сондай-ақ, ол Үндістан COVID-19 вакцинасын жасады және жақында вакцинацияның бірінші кезеңіне дайын болатынын жеткізді. Вакцинацияны басқа елдер де әзірлеп жатыр. Бұл 2021 жылды жақсартады деген үміт бар дейді ол. 

Сонымен қатар, елші барлық үндістандықтың атынан қазақстандықтарға бақытты және берекелі жаңа жыл тілеп, 2021 жылы және одан кейінгі жылдары Үнді-Қазақстан қарым-қатынасының нығая беруіне тілектес екенін жеткізді.

Өзгелердің жаңалығы