Өзбекстанда іздеуде жүрген адам Талдықорғанда ұсталды

22 Қыркүйек 2023, 08:45
2978
Бөлісу:
Өзбекстанда іздеуде жүрген адам Талдықорғанда ұсталды
Фото: Арман Мухатов

Талдықорғанда облыстық полицияның жедел уәкілдері мемлекетаралық іздеуде жүрген 31 жастағы шетелдік азаматтың орналасқан жерін анықтады, деп хабарлайды BAQ.KZ.

Өзбекстанның тәртіп сақшылары бұл адамды ірі алаяқтық жасады деген күдікпен бір жылдан астам уақыт іздеген.

Іздеуде жүрген адам "Іздестіру" жедел профилактикалық іс-шарасының аясында анықталып, облыс орталығындағы жеке тұрғын үйлердің бірінде ұсталды. Қазір ол қамауда отыр. Оның ұсталғаны туралы ақпарат ҚР ішкі істер министрлігіне жолданды, - Жетісу облысы полиция департаменті криминалдық полиция басқармасының іздеу бөлімі

"Іздестіру" жедел-профилактикалық іс-шарасы 20-21 қыркүйек аралығында жүргізіледі. Алғашқы тәулікте тәртіп сақшылары іздеуде жүрген 5 қылмыскерді ұстады. Оның ішінде көрші мемлекеттердің құқық қорғау органдары іздеп жүрген 2 шетелдік азамат бар.

Сонымен қатар облыстың полицейлері хабар-ошарсыз кеткен 4 адамның орналасқан жерін анықтай алды.

Өзгелердің жаңалығы