Нұр-Сұлтан, BAQ.KZ. Өткен жылы Алматы полициясы 129 келі синтетикалық есірткіні тәркіледі, деп хабарлайды Polisia.kz.
Бүгінгі күні синтетикалық есірткілер мен оларды шығаруға арналған зертханалар әлемдік мәселеге айналған.2019 жылғы 5 шілдеде «Қазақстан Республикасының кейбір заңнамалық актілеріне есірткі құралдарының, олардың аналогтары мен прекурсорларының айналымын бақылау мәселелері бойынша өзгерістер мен толықтырулар енгізу туралы» Заңы күшіне енді, 89 тармақ болды. Заң жобасы есірткі қылмысына қарсы жаңа сын-қатерлер мен қауіп-қатерлерге қарсы тұру бойынша мемлекет қабылдаған шаралардың уақтылығын қамтамасыз ету үшін есірткіге қарсы заңнамалық жүйені жетілдіру мақсатында әзірленген. Түзетулер «есірткі заттарының аналогтары» туралы жаңа ұғымдарды түсіндіруді көздейді, – деді Алматы қалалық ПД Есірткі қылмыстарымен күрес басқармасының бастығы Ерлан Алмағамбетов.
Сонымен қатар, спикер бүгінде Алматы полициясы есірткінің жаңа түрлерінің, соның ішінде синтетикалық есірткінің, басқаша айтқанда, жаңа психоактивті заттардың айналымының жолын кесу тиімділігін арттыруға бағытталған ұйымдастырушылық және тәжірибелік шаралар кешенін қолданып жатқанын нақтылады.
2020 жылы шаһар аумағында жүргізілген жедел-іздестіру іс-шараларының нәтижесінде сату кезінде 12 жедел әзірлемелер іске асырылды, нәтижесінде синтетикалық есірткіні сақтаудың 62 фактісі анықталды. Заңсыз айналымнан 129 килограмнан астам «синтетика» алынды. Ұсталғандардың арасында телеграмм мессенджері арқылы сатып алынған, салмағы 1 килограмнан асатын синтетикалық есірткіні сақтаған 1998 жылы туылған С.азамат бар. Сонымен қатар, біздің бөлімнің қызметкерлері жүргізген ұзақ мерзімді әзірлемелер нәтижесінде былтыр синтетикалық есірткі шығаратын бес зертхана таратылғанын атап өткен жөн. Алайда олардың арасында, Әуезов ауданындағы қарапайым жалдамалы пәтерге орналасты. Үш жас жігіт қылмыстық өндірісті ұйымдастырды. Үй-жайларды тінту кезінде химиялық реагенттер, синтетикалық есірткі заттарды өндіруге арналған түрлі компоненттер, сондай-ақ сатылымға дайын, жалпы салмағы 10 килограмм Меткатинон (мефедрон) заты тәркіленді. Бұл өнімді сату бағасы 240 миллион теңгені құраған болар еді, – деп түйіндеді Алмағамбетов.
