Облыс орталығына әкелінген жаңа трамвайларда жолаушыларды тегін тасымалдады, деп хабарлайды BAQ.KZ.
Жаңа трамвайларға мінген қала тұрғындары қоғамдық көліктің жылы, жарық және өте ыңғайлы екенін айтты. Бұл туралы Altaynews жазды.
Сондай-ақ, қоғамдық көліктер QR кодтарын алып үлгермегендіктен 11 қаңтар күні жаңа трамвайға отырған жолаушылардан жол жүру ақысын алмаған.
Бізге QR-кодтар енді берілді,-деді "Өскемен Көлік Компаниясы" ЖШС директоры Михаил Чайка.
Яғни, енді жолаушылар жаңа трамвайларда жол ақысын әдеттегідей, кез-келген тәсілмен төлей алады.
