Қордай ауданында ақсақалдар кеңесі құрылады

10 Ақпан 2020, 18:00
2688
Бөлісу:
Қордай ауданында ақсақалдар кеңесі құрылады
PHOTO
Фото: Бауыржан ЖУАСБАЕВ

Нұр-Сұлтан, BAQ.KZ.  Қордай ауданының Ауқатты ауылында ҚР Премьер-Министрінің орынбасары Бердібек Сапарбаев бастаған Үкімет комиссиясы Қордай ауданының Қаракемер, Масанчи, Ауқатты, Сортөбе, Бұлан батыр ауылдарының ақсақалдарымен кездесу өткізді. 

image-10-02-20-01-13.jpeg

Жиынға облыс әкімі Асқар Мырзахметов, ауыл ақсақалдары, беделді тұрғындар, ардагерлер кеңестерінің төрағалары, орталық мемлекеттік органдардың басшылары, Парламент депутаттары қатысты. 

image-10-02-20-01-13-3.jpeg

Кездесуде проблемалық мәселелерді шешу жолдары, қоғамда келісім мен бірлікті сақтау талқыланды. Ақсақалдар жастармен рухани тәрбие жұмыстарында кемшіліктер бар деген тоқтамға келді, осының салдарынан тұрмыстық кикілжің барша жұртқа жария болған оқиғаға айналды. 

image-10-02-20-01-13-4.jpeg

Ақсақалдар аталған елді мекендерді қамтитын бірлескен Ақсақалдар кеңесін құру туралы келісімге келді. Бұл ауылдардағы тұрмыстық проблемаларды ауыл ақсақалдары ортақ Кеңесте шешетін болады. Олар жастармен тәрбие жұмыстарын жүргізіп, Қордай ауданында тұратын барлық ұлттардың арасында бірлік рухын нығайту үшін бірлескен мәдени-спорттық сипаттағы ойын-сауық шараларын ұйымдастыру міндеттемелерін алды. 

image-10-02-20-01-13-5.jpeg

Біз бала кезден доспыз, бірге өстік, бірге жұмыс істедік, қайғыда да, тойда да бірге жүреміз. Жастар бір-бірімен араласуы керек, сонда олар бір-біріне жақындай түседі. Біз 11 ақпанда Сортөбеде бас қосуға келістік. Біз өз ақсақалдарымызды, олар өздерінің ақсақалдарын алып келеді. Алдағы уақытта қайталанбауы үшін туындаған барлық мәселелерді талқылаймыз, — деді қоғам қайраткері, аудандық Ардагерлер кеңесінің төрағасы Әбдібек Сейілханов.  

image-10-02-20-01-13-6.jpeg
Масанчи ауылының тұрғыны Луу Исхар да қоғамда бірліктің сақталуына қатысты өз ойын жеткізді. 

Үстел басында бас қосып, мәселеге нүкте қою үшін барлық құрметті ақсақалдар жиналады. Арғы күні Масанчиде мешітте бас қосамыз. Неліктен мешітте? Біз барлығымыз мұсылманбыз, достықты нығайтып, Құран оқып, осындай жағдайлар қайталанбауы үшін бата беру үшін мешітте жиналамыз. Жүз қырық жылдай бірге тату өмір сүріп жатырмыз, адамдық қасиеттері жоқтардың кесірінен осындай жағдай орын алды. Бұл біз үшін өте айыпты жағдай болды. Біз бұл мәселелердің барлығын шешуге тырысамыз, —  деді ол.

image-10-02-20-01-11-6.jpeg
Осы ауданнан шыққан кәсіпкерлер туған өлкесін қалпына келтіру және дамыту үшін қаржылай және материалдық көмек көрсетуге ниет білдірді. 

Мені туған ауылымның жағдайы аса толғандырады. Мен мұнда балабақша, спорт кешенін салдым. Қазір сауықтыру орталығын салып жатырмын. Бизнесмендерді өздерінің туған ауылдарын абаттандыруға шақырамын. Өкінішке орай, бұл бұрыннан бар мәселе. Ағартушылық жұмыстар жүргізіп, бірлескен мәдени-бұқаралық шаралар өткізіп, жергілікті халықтың басын біріктіру керек, — деді бизнесмен, Қаракемер ауылының тумасы Қайрат Молдасейітов

image-10-02-20-01-11-5.jpeg


Өзгелердің жаңалығы