2024 жылы Орал қаласы прокуратурасының актісі бойынша жалпы сомасы 1,3 млрд теңгені құрайтын орташа жол жөндеу бойынша 5 конкурс өткізілмей қалды, деп хабарлайды BAQ.KZ.
Батыс Қазақстан облысы прокуратурасының 2024 жылдың 6 сәуірде таратқан хабарламасында бұл ретте былай делінген:
Оған демпингке қарсы талаптардың бұзылуы негіз болды, оған сәйкес орташа жол жөндеу кезінде әлеуетті өнім берушінің бағасы, егер ол техникалық құжаттамада көрсетілген бағадан 5%-дан астам төмен болса, демпингтік баға деп танылады, - деді Батыс Қазақстан облысы прокуратурасы.
Алайда, осыған қарамастан, "Орал қаласының мемлекеттік сатып алу бөлімі" жол жөндеуге сатып алуды ұйымдастыру кезінде демпинг белгісін 20%-ға (заңды 5%-бен) негізсіз өсірді, бұл әлеуетті жеткізушілерге демпинге қарсы баға ұсыныстарын ұсынуға мүмкіндік берді, бұл бәсекелестікте жеңіске жетуді қамтамасыз етті.
Қадағалау актісі бойынша 1,3 млрд теңгеден астам сомаға сатып алулар жойылып, заңнамаға сәйкестендірілді. Қабылданған шаралар мемлекеттік сатып алуда кәсіпкерлік субъектілері арасындағы адал бәсекелестікті қалпына келтіруге мүмкіндік берді, - деді Батыс Қазақстан облысы прокуратурасының баспасөз қызметі.
