Нұр-Сұлтан, BAQ.KZ. «Киелі табиғат» экологиялық акциясы 30 сәуірде Ақпарат және қоғамдық даму министрі Аида Балаеваның бастамасымен ашылған еді. Қазір акцияға республиканың барлық өңірі қолдау көрсетіп жатыр.
3 мамыр мен 9 мамыр аралығында Ақмола, Алматы, Атырау және Түркістан, Жамбыл мен Ақтөбе облыстарында «Киелі табиғат» республикалық акциясы жүзеге асырылып жатыр.
Шараны Ақпарат және қоғамдық даму министрлігі мен «Жас ұлан» балалар мен жасөспірімдер ұйымының бірыңғай ұйымы бірлесіп ұйымдастыруда.
«Киелі табиғат» экожобасы - жастар арасында экологиялық ағарту және экологиялық сана мен мәдениет деңгейін арттыруға бағытталған.
Аталған экожобаны іске асыру барысында әрбір елді мекенде жастарды тарту арқылы тұрақты экологиялық қоғамдастықтар құру жоспарлануда.
Аймақтарда «Киелі табиғат» экожобасы аясында өңірлерде Жеңіс күніне орайластырылған «Естелік саябағы» экоакциясы ұйымдастырылып жатыр.
Жасұландықтар атап өткендей, «Киелі табиғат» экожобасына қатысу ортақ іске қосылып, өз өңірінің экологиялық әл-ауқатына өз үлесін қосып қана қоймай, жаңа еңбек дағдылары мен командада жұмыс істеуге мүмкіндік берді.
Мәселен Қызылорда облысында мамырдың алғашқы күндері су айдындары, көлдер қоқыстан тазартылды.
Бұдан бөлек, айдың алғашқы онкүндігінде тағызым алаңдары мен саябақтарға сенбілік жүргізіледі. Акцияға орман шаруашылығы және жануарлар дүниесін қорғау мекемесінің қызметкерлері мен еріктілер, Жастар ресурстық орталығының қызметкерлері атсалысуда.
Акция Арал ауданындағы Райым көлі, Қазалы ауданындағы Көне дария өзегі, Қармақшы ауданындағы Сырдария өзені және Иіркөл көлі, Жалғаш ауданындағы Қаншиелі көлі, Сырдария ауданындағы Қалғандария, Әйтек көлі, Қызылорда қаласындағы Эдельвейс көлі, Жаңақорғандағы Шұқырой көлі, Шиелідегі Тауықкөл және Жамайка көлінде өткіздік. Барлығы 105 адам қатысып, 14 техника жұмылдырылды. Нәтижесінде 3260 кг әртүрлі тұрмыстық қалдықтар мен қоқыстар жиналып, арнайы полигонға жөнелтілді, - деді облыстық табиғи ресурстар және табиғат пайдалануды реттеу басқармасы басшысының орынбасары Жұлдызай Айтжанова.
Ал Жамбыл облысында Республикалық «Жас Ұлан» бірыңғай балалар мен жасөспірімдер қоғамдық бірлестігі «Киелі табиғат» жобасы аясында №39 Қожакев атындағы ЖОББМГ ауласында 18,28,44,39 мектептерінің белсенді жасұланшылары мен тәлімгерлерінің қатысуымен «Естелік саябағы» жаппай ағаш отырғызу акциясы өткізілген еді.
Ақмола облысында да «Киелі табиғат» жобасы аясында 100 көшет отырғызылды.
Бүгін Нұр-Сұлтан қаласында экологиялық акция аясында 60-тан астам көшет отырығызылды.
Айта кетейік, бір апта ішінде өңірлерде 5 мыңнан астам ағаш отырғызылды, ал жастардың жалпы қамтылуы 1,5 мыңнан астам адамды құрады.
