Бокстан Қазақстан командасының капитаны Асланбек Шымбергенов Бусто-Арсицио (Италия) қаласындағы іріктеу турнирінде ширек финалға жолдама алды, деп хабарлайды BAQ.KZ Olympic.kz-ке сілтеме жасап.
71 келіге дейінгі салмақта сынға түскен Асланбек түркіменстандық жас боксшы Байрамдұрды Нұрмұхамедовты аса тартысты жекпе-жекте жеңді.
Бірінші раундты Шымбергенов сенімді түрде ұтқанымен, екінші раундта түркімен боксшысы 3:2 есебімен өз пайдасына жазды.
Шешуші раундта да екі боксшы барын салды. Нәтижесінде, Асланбек Шымбергенов келесі кезеңге өтті.
