Нұр-Сұлтан, BAQ.KZ. Қазақстандық оқушылар III тоқсанды аяқтағаннан соң 12 күн демалады.
ҚР Білім және ғылым министрлігінің баспасөз қызметінің хабарлауынша, көктемгі каникул кезінде оқушылар 20-31 наурыз аралығында 12 күн демалады.
Еске сала кетейік, былтыр оқушылар елде коронавирустың таралуына байланысты ерте каникулға шыққан болатын.
2020 жылы оқушылар III оқу тоқсанын ерте аяқтап, 16 наурыздан 5 сәуірге дейін каникулда болды.
Мектептер 6 сәуірден бастап жаңа тоқсанды қашықтан оқыта бастады.
