Нұр-Сұлтан, BAQ.KZ тілшісі. ОКҚ-да өткен баспасөз конференциясында BTS Education және «Қазақстанның жаңа кәсіптері мен құзыреттерінің атласы» жобасының жетекшісі Саясат Нұрбек түлектердің болашақ мамандығын таңдауға мүмкіндігі бар екенін айтты.
BTS Education «Профнавигация» жобасы аясында «Азаматтық және құқықтық бастамаларды дамыту» ҚҚ серіктесі. Қазіргі уақытта «Қазақстанның жаңа кәсіптері мен құзыреттерінің атласы» платформасы мен «EduNavigator» кәсіптік бағдар беру платформасының көмегімен жоғары сынып оқушыларының өз болашақ мамандығын таңдауға тамаша мүмкіндігі бар, - деді ол.
Саясат Нұрбектің сөзінше, жаңа кәсіптер мен құзыреттер атласы – бұл еңбек нарығын сындарлы түрде өзгертетін негізгі трендтерді терең талдаумен, алдағы 5-10 жылға арналған ұлттық экономиканың перспективалы салалары мен кәсіптерінің болжамды картасы.
Ел Үкіметі айқындаған экономиканың 9 саласының атластары құрылды. Олар: тау-кен металлургия кешені, мұнай-газ саласы, ауыл шаруашылығы, көлік және логистика, машина жасау, АКТ, энергетика, туризм және құрылыс. Атласты әзірлеу аясында 2 мыңнан астам салалық сарапшылар, негізгі бейінді министрліктердің, ірі салалық қауымдастықтардың басшылары, отандық өнеркәсіптік компаниялардың топ-менеджерлері мен тәжірибелі қызметкерлері, білім беру жүйесінің барлық деңгейлерінің өкілдері қамтылды, - деп айтты ол.
9 басым сала бойынша 463 мамандық егжей-тегжейлі сипатталған, оның ішінде 239 жаңа, 95 трансформацияланатын, 129 жоғалып бара жатқан мамандық. Атластың қазақ, орыс және ағылшын тілдеріндегі барлық материалдары ҚР ЕХӘҚМ мемлекеттік порталында көпшілікке қолжетімді www.enbek.kz/atlas.
EduNavigator.kz бұл ғылыми сынақтан өткен құралдар мен өзекті дерекқорлар (университеттер, мамандықтар, бос орындар, Еңбек нарығының деректері) негізінде кәсіби даму мен білім берудің жеке траекториясын саналы түрде жоспарлауға мүмкіндік береді.
Сонымен қатар атлас - бұл жаппай, қарапайым және қолданбалы кәсіптік бағдарлау құралы, ол бүкіл халыққа еңбек нарығын дамыту перспективалары, сұранысқа ие кәсіптер мен дағдылар туралы қолжетімді ақпарат береді. Ол оқушыларға, талапкерлерге, ата-аналарға болашақта жұмыссыздар мен нәтижесіз жұмыспен қамтылғандардың қатарын толтырмай, нақты және ұзақ мерзімді перспективаға ие болатын мамандықты ақпараттандырылған таңдау жасауға көмектеседі, - деді Саясат Нұрбек.
