Нұр-Сұлтан, BAQ.KZ. Шымкентте өтіп жатқан нысана көздеуден Азия чемпионатында қазақстандық мергендер тағы да жеңіс тұғырына көтерілді деп хабарлайды Olympic.kz.
Жасөспірімдер арасында 10 метрге нысана көздеуден үш жүлделі орынды отандық спортшылар еншіледі. Никита Шахторин алтын, Руслан Загитов күміс, Матвей Тимофеев қола жүлдегер атанды.
Сондай-ақ, ересектер арасындағы сында Ислам Усейнов Азия чемпионы атанды. ОЛ 632,7 ұпаймен ел рекордын жаңартқан.
