Астана – Қабанбай-батыр – Нұра – Теміртау республикалық маңызы бар автожол учаскесіне орташа жөндеу жүргізілді. Нұра кентінен Ақмола облысының шекарасына дейін 7 км жөнделді, деп хабарлайды BAQ.KZ.
Жолдың жөнделуін Қарағанды облысының әкімі Ермағанбет Бөлекпаев бақылам қайтты.
Ұзындығы 200 шақырымнан асатын Астана – Қабанбай-батыр – Нұра – Теміртау автотрассасы 1958 жылы салынып, пайдалануға берілді. Бұған дейін Ынтымақ ауылынан Нұра кентіне дейін 80 шақырымға және Көбетей ауылынан Ақмола облысының шекарасына дейін 30 шақырымға орташа жөндеу жұмыстары жүргізілді.
Биыл ұзындығы 104 км болатын үш учаскеге мердігерлік ұйым анықталды, бұл Көбетей – Нұра учаскесінде 31 км және Ынтымақ ауылынан Алматы – Екатеринбург – Теміртау автожолына дейін 73 км. Қазір Нұрадан Ақмола облысына қарай 7 шақырым жерде жұмыстар атқарылды. Сондай-ақ Көбетей – Нұра учаскесінде жеті су өткізу құбырын және Ынтымақ – Теміртау учаскесінде алты су өткізу құбырын қайта салу жоспарлануда. Үш учаскені жөндеуді 2025 жылы аяқтау жоспарлануда, – деді "Қазавтожол" ҰК" АҚ Қарағанды облыстық филиалының директоры Ерлан Жұмағұлов.
Ермағанбет Бөлекпаев жөндеуді кешіктірмеуді, биыл мүмкіндігінше көбірек жұмысты бітіріп, келесі жылы күн жылынған бетте жұмысқа кірісуді тапсырды. Ол жұмыстың сапасын қадағалап отыру керектігін айтып өтті.
