Нұр-Сұлтан, BAQ.KZ. 2022 жылдың 11-15 сәуірі аралығында елордада кәмелетке толмағандардың құқықтық сауаттылығын қалыптастыру, азаматтардың ішкі істер органдарына сенімін арттыру, сондай-ақ кәмелетке толмағандарды полиция жұмысымен таныстыру және қауіпсіздік шараларын оқыту мақсатында «Мен және менің полицейім» акциясы өтуде, деп хабарлады ПД баспасөз қызметі.
Акцияны өткізу кезеңінде ювеналды полиция бөліністерінің учаскелік инспекторлары, жергілікті атқарушы органдардың, білім беру және үкіметтік емес ұйымдардың өкілдері оқушылар арасында құқық бұзушылықтың алдын алу, қоғамдық орындарда жүріс-тұрыс ережелері бойынша дәрістер, әңгімелер, сондай-ақ тақырыптық ойындар өткізді.
Оқушылар үшін полиция бөліністеріне бару мүмкіндігі ұсынылды.
Жедел басқару орталығында балалар қалалық бейнебақылау камераларын көріп, тіпті оларды өздері басқарды. Кинологиялық қызмет орталығында жалпы білім беретін мектеп оқушыларына қызметтік иттердің дағдылары мен біліктері көрсетілді.
Сот-медициналық бөлімдерде балалардың өздері заттардан саусақ іздерін алып, тіпті оларды саусақ іздеріне аударды, сонымен қатар қылмыс дәлелдерін бекітудің көптеген әдістерін үйренді. Жедел қимылдайтын арнайы жасақ қызметкерлері оқушыларға жеке қауіпсіздік шаралары бойынша мастер-класс өткізді.
Экспо павильоны алдындағы алаңда жол қозғалысының жас инспекторлары М.Өтемісов атындағы оқушылар сарайының "Гаухартас" ансамблімен бірлесіп флешмоб ұйымдастырды.
