Нұр-Сұлтан, BAQ.KZ. «Сарыарқа» ауданының Полиция басқармасына ЖШС-нің өкілі хабарласып, «Магнум» супермаркетінен белгісіз біреу балалар жөргектерін ұрлап кеткенін айтты, деп хабарлады ПД баспасөз қызметі.
Сауда залында орнатылған бейнебақылау камерасына орын алған ұрлық фактісі жазылып қалған. Бейнетаспада жас жігіттің сөреден жөргектерді алып, кассаның жанынан қалай өтіп бара жатқаны анық көрінеді.
Жедел-іздестіру іс-шаралары барысында полиция қызметкерлері 21 жастағы күдіктіні ұстады, жөргектердің барлық бес орамасы тәркіленіп, иесіне қайтарылды.
Қазіргі уақытта сотқа дейінгі тергеу амалдары жүргізілуде. Жігіт ұрлық жасағанын мойындады, күдіктінің елорда аумағында бұрын жасалған осыған ұқсас қылмыстарға қатыстылығына тексеру жүргізілуде.
Нұр-Сұлтан қаласының Полиция департаменті сауда нүктелерінің иелеріне қырағы болуға және дүкендерде ұрлықтан қорғау шараларының кешенін енгізуге сенімді түрде кеңес береді. Бейнебақылау жүйелерін орнатудан басқа, тауарлардың қауіпсіздігін қамтамасыз ету үшін электронды қорғаныс жүйесін енгізу қажет.
