Нұр-Сұлтан, BAQ.KZ. Ұлы Жеңіс құрметіне әскери әндерді тұрғын үйлердің балкондарында тұрып орындау флешмобы іске қосылды, деп хабарлады Алматы әкімдігі.
Әкімдік Абай атындағы опера және балет театрымен бірлесіп, соғыс жылдарындағы әндерді балконнан орындау флешмобын іске қосты.Алматы әкімдігі Абай атындағы Қазақ мемлекеттік академиялық опера және балет театрымен бірлесіп, Ұлы Жеңістің 75 жылдығына орай бірқатар мәдени іс-шаралар өткізеді. Бұл ретте барлық іс-шара елдегі төтенше жағдай режимін ескере отырып, адамдардың жаппай жиналуынсыз өтеді.
Барлық концерттік нөмірлер бейнекадрға түсіріліп, одан әрі әлеуметтік желілерге орналастыру үшін фильм-концертке біріктіріледі.
Концертке театрдың жетекші солистері қатысты:
– халықаралық конкурстардың лауреаты, Т.Жүргенов атындағы Қазақ Ұлттық өнер академиясының вокалдан дәріс беретін оқытушысы Айдос Жабағин "Жеңіс күні" әнін орындады;
– Абай театрының солисі Дулат Тоқанов сахналас әріптестерімен бірге "В бой идут одни "старики" фильмінен "Смуглянка" әнін шырқады;
– солист Ләззат Бірімғазина бірнеше ұрпаққа жалғасып келе жатқан "Катюша" әнін қазақ және орыс тілдерінде орындады.
