Ниеті бар адам мемлекеттік тілді үйреніп алады – Трегубова

Ниеті бар адам мемлекеттік тілді үйреніп алады – Трегубова
PHOTO
1118

Нұр-Сұлтан, BAQ.KZ. Бүгін елордадағы Достық үйінде Қазақстан Конституциясы күніне арналған «Тәуелсіздіктің 30 жылдығы – бірліктің, бейбітшілік пен келісімнің 30 жылдығы» тақырыбында дөңгелек үстел өтті.

Бұл туралы ҚазАқпарат хабарлады.

Ниеті бар адам мемлекеттік тілді үйреніп алады – Трегубова

Әрине, биыл Қазақстан үшін ерекше жыл, егемендігіміздің 30 жылдығын атап өтеміз. Сонымен қатар осы уақытта жеткен жетістіктерімізді саралап, алдағы жолда қандай мақсаттарымыз тұрғындығын еске салу оймен жиналып отырмыз. Қазақстан - ерекше ел. Әрдайым біз осыны мақтанышпен айтамыз. Еліміз тәуелсіздігін алғаннан бері бірізділік пен реформалар жолын таңдап, соның негізгі конституциялық қағидаттарын сырт қалдырған емес, - деді іс-шараны ашқан Қолданбалы этносаяси зерттеулер институты директорының орынбасары Айгүл Сәдуақасова. 

Дөңгелек үстел барысында Мәжіліс депутаттары, Қазақстан халқы Ассамблеясы сараптамалық кеңесінің мүшелері, зиялы қауым мен этномәдени бірлестіктердің өкілдері қатысты. 

Мәжіліс депутаты Наталья Дементьева еліміздегі тілдік ахуалға кеңінен тоқталды. 

Ниеті бар адам мемлекеттік тілді үйреніп алады – Трегубова

Біздің бір ғана отанымыз бар. Ол – Қазақстан. Елбасымыздан бастау алған басты құндылық ұлтаралық, этносаралық келісімді сақтап, әрі қарай келесі ұрпаққа жеткізу біздің міндетіміз. Оны жоғалтуға хақымыз жоқ. Өйткені келесі ұрпақтың алдында жауап береміз. Сондықтан ұлтаралық татулықты сақтап, мемлекеттік тілді үйреніп, ақырын-ақырын сөйлей бастауымыз керек, - деді Мәжіліс депутаты. 

Ниеті бар адам мемлекеттік тілді үйреніп алады – Трегубова

Ресейде туғанымен отбасылық жағдайға байланысты ата-анасымен Жамбыл облысына қоныс аударған Виктория Трегубова елімізде тілге байланысты кемсітушілік жоқ екендігін айтады. Тіпті мемлекеттік тілді жетік білген өзге ұлт өкілдерінің қазақтардың арасында абыройлы екендігін алға тартады.

Қазақ тілін, қазақтың салт-дәстүрін білгендіктен, сыйлағандықтан болар, ешқашан қысым көрген емеспін. Керісінше, сыйлайды, құрметтейді, дәріптейді, әрқашан қолдау көрсетеді. Соны ғана әлі күнге дейін көріп келемін. Сондықтан айтарым, қазақ тілін білгенің сол ұлттың тілін, салт-дәстүрін, халқын сыйлағаның. Жалпы қазақ халқы әрқашан да өзге ұлт өкілдеріне қонақжайлық танытады. Әлі күнге дейін тілін білмесең де, қамқорлықпен қарайды. Қазақ тілін үйренемін десеңіз де, еш қиындық жоқ. Барлық жағдай жасалған, мектептен бастап, тегін курстар да бар. Ниеті бар адам мемлекеттік тілді үйреніп алады, - деді Виктория Трегубова.

Қысқа да нұсқа. Жазылыңыз telegram - ға
Өзгелердің жаңалығы