Астана, BAQ.KZ тілшісі. Өскемен қаласында «Қазына» әжелер тобы бар. Топ мүшелері облыстың түкпір-түкпірінен көшіп келген. Олардың ең жасы 70-тің жетегіне жетсе, үлкені 80-нен асқан. Бәрі де өмір жолын ұстаздық етуге арнап, соңғы 10 жылда ауыл-аймақтарды аралап, қазақтың салт-дәстүрін дәріптеп, халық әндерін айтып, ел-жұрттың қошеметіне бөленіп жүр. Сайт тілшілері ақ жаулықты әжелерге арнайы барып, Наурыз көжелері мен ақ дастарқандарынан дәм татып, тыныс-тіршіліктерімен танысып қайтты.
