Бас жаңалықтар
Жұмысын бастағалы отырған базарлар мен ХҚКО бізді алаңдатып отыр – Бекшин
22 Мамыр 2020, 17:34 488

Жұмысын бастағалы отырған базарлар мен ХҚКО бізді алаңдатып отыр – Бекшин

Алматы, BAQ.KZ тілшісі. Алматы қаласының мемлекеттік бас санитар дәрігері Жандарбек Бекшин 25 мамырдан бастап сауда орындарының жұмысы жанданғанымен оларға қойылатын талап күшейтілгенін мәлімдеді.

25 мамырдан бастап Алматыда бірқатар мекеме жұмысын қайта бастайды. Оның ішінде сауда үйлері, базарлар мен ХҚКО-ы бізді алаңдатып отыр. Сол үшін біз алдымен оларда реттеу жұмысын жүргіздік. Сатып алушылар мен осы нысандардың басшылығына қатысты талаптарды реттедік, - деді ол. 

Оның айтуынша, нысандардың әкімшілігіне қойылатын негізгі талаптар кіре берісте термометрия жасау және ара қашықтықты сақтау болып отыр. Үлкен нысандарда, яғни 20 мың шаршы метрлі жерлерде стационарлық тепловизорлар қойылмақ. 500 шаршы метрден астам нысандарға  да тепловизор қойылады, тіптен қол тепловизорын да пайдалануға рұқсат берілген. 

Сонымен қатар, әкімшілік күнделікті жұмысшыларының дене қызуын өлшеп, ауру белгілері болса жұмысқа жібермеуді міндеттеген. 
Әрбір сауда үйінің алдына санитайзерлер қоюды және маскасыз кіргізбеу талабын қойып жатырмыз. Одан бөлек, жұмысшыларының 10 пайызын 1 ай ішінде ПЦР диагностикадан өткізуді ұсындық. Бұның барлдығы жұмысшылардың денсаулығын қорғауға бағытталып отыр,-деді Бекшин. 
Сонымен қатар, ол нысан иелері желдеткіш жүйелерін іске қосу қажеттігін айтты. Ғимараттарды күніне үш рет желдетіліп, дезинфекциялық және тазалық жұмысарын жиі жүргізіп тұрулары керек.

Фото: дереккөз
Загрузка...