Бас жаңалықтар
Табысы төмен отбасыларға арналған жаңа жоба іске қосылады
19 Қыркүйек 2019, 17:34 936

Табысы төмен отбасыларға арналған жаңа жоба іске қосылады

Нұр-Сұлтан, BAQ.KZ. Қазақстанның барлық өңірлерінде аз қамтылған, көпбалалы және мүгедек балаларды тәрбиелеп отырған отбасыларға кәсіпкерлік дағдыларды дамытуға және өз ісін ашуға қолдау көрсетуге бағытталған «Менің кәсібім» атты жобасы іске қосылады. 

ҚР Еңбек және халықты әлеуметтік қорғау министрлігі баспасөз қызметінің хабарлауынша, бұл жобаны жергілікті атқарушы органдардың қолдауымен оның тікелей авторы Айжани Нұрланова жүзеге асырады. Жалпы үйлестіруді ҚР Еңбек және халықты әлеуметтік қорғау министрлігі жүзеге асыратын болады.

"20 қыркүйекте Алматы әкімдігі мен "Менің кәсібім" жобасының авторы Айжани Нұрланова арасында алғашқы тиісті меморандумға қол қою жоспарлануда. Алдағы уақытта осындай меморандумдар барлық облыстардың, республикалық маңызы бар қалалардың және астананың әкімдіктерімен жасалатын болады", - делінген хабарламада.

Жоба аясында жоба авторы мұқтаж азаматтарға қажетті құрал-жабдықтар мен материалдарды ұсыну арқылы үй бизнесін жүргізуге көмек көрсетіледі.

Ұқсас жобаны пилоттық режимде Маңғыстау облысында Айжани Нұрланова сәтті жүзеге асырды, онда 250-ге жуық адам жеке кәсіпкерлік жүргізудің негізгі дағдыларына оқытылып, жеке ісін ашты.

 


Фото: ашық дереккөз
Загрузка...