Бас жаңалықтар
ПТР тестінің анықтамасын сатқандар ұсталды – Антикор
05 Наурыз 2021, 13:46 847

ПТР тестінің анықтамасын сатқандар ұсталды – Антикор

Нұр-Сұлтан, BAQ.KZ тілшісі. Қызылорда облысында COVID-19 ПТР сынамаларының теріс нәтижелері бар сертификаттарды сатумен айналысқан екі медқызметкерге қатысты қылмыстық іс қозғалды. Бұл туралы сыбайлас жемқорлық фактілері туралы өткен брифингте Агенттіктің аса маңызды істер жөніндегі тергеушісі Данияр Бекайдаров айтты.

Қызылорда облысының Сыбайлас жемқорлыққа қарсы қызметі 2020-2021 жылдары жүйелік негізде COVID-19 ПТР сынамаларының теріс нәтижелері бар сертификаттарды жүйелі түрде тексерістен өткізбей сатумен айналысқан екі медициналық мекеменің қызметкерлеріне қатысты қылмыстық істі тергеуде, - деді ол.
ПТР сынағының сертификаттары әр түрлі мақсаттарда пайдалануға арналған: вахталық әдіспен жұмыс істейтін жұмысшылар, шетелге саяхаттайтын адамдар, Байқоңыр қаласына кіретін және т.б.
Сонымен бірге, медицина қызметкерлері 1 анықтама үшін 7 мың теңге көлемінде заңсыз сыйақы алу арқылы Ұлттық сараптама орталығы облыстық филиалының лауазымды тұлғаларына пара беру қажеттілігін сылтауратып, пара беруге итермелеген. Осы жылдың басынан бастап Қызылорда облысының тұрғындарына ПТР тестінен өткендігі туралы 60 жалған куәлік анықталды, - деп атап өтті Бекайдаров.

Оның сөзінше, медицина қызметкерлерінің қылмыстық іс-әрекеттерінің нәтижесінде облыс азаматтарының шексіз саны тәуекелге ұшырады.

Жедел іздестіру кезінде ПТР сынамаларының жалған сертификаттары жасалған компьютерлік жабдық пен мөр тәркіленді. Медицина қызметкерлерін ұстау кінәні толық мойындауға байланысты жүргізілген жоқ, - деп түсіндірді ол брифингте.

Айта кетейік, тергеу мүдделеріне қатысты басқа ақпарат жария етуге жатпайды.



Фото: ашық дереккөз
Загрузка...