Бас жаңалықтар
Бүгін
Павлодарда мыңға жуық қайтарымсыз грант бөлінеді
14 Наурыз 2019, 19:15 231

Павлодарда мыңға жуық қайтарымсыз грант бөлінеді

Павлодар, BAQ.KZ тілшісі. Павлодар облысында «Нәтижелі жұмыспен қамту және жаппай кәсіпкерлікті дамыту» бағдарламасы шеңберінде бизнес-идеяларды қолдау мақсатында 978 қайтарымсыз несие бөлінді.

Сала мамандарының айтуынша, қайтарымсыз грантқа бағдарламаның бірінші бағыты бойынша кәсіпкерлік негіздері бойынша білім алған азамат ие болады

Қайтарымсыз 623 гранттың әрқайсысы 100 АЕК-ті құрайды. Ал 29 жасқа дейінгі жас кәсіпкерлер үшін 355 грант бөлінді. Әрқайсысы 200 АЕК-ті құрайды.

Облыстық кәсіпкерлік, сауда және туризм басқармасы басшысының орынбасары Айдос Сәкеновтың хабарлауынша, мемлекеттік бағдарламаның бірінші бағыты бойынша 6500 АЕК немесе 16,4 млн. теңгенің шағын несиелері қарастырылған. Жылдық сыйақы ставкасы 6%-ды құрайды.

«Шағын несиелер жаңа істі ашуғанемесе жұмыс істеп тұрған бизнесті қолдауға бағытталады. Қаржыны бөлуде салалар бойынша шектеу жоқ. Бұл тұрғыда инвестициялық мақсаттағы несиелердің мерзімі 5, ал айналымжы қаражатты толықтыру 3 жылдық мерзімге шақталған», - дейді Айдос Сәкенов.

Айта кетейік, былтырғы жылы шағын несиелендіруге 426 млн. теңге бөлінген. 45 жоба қаржыландырылып, азаматтар жеке бизнестерін дөңгелетті. Ал осы жылы несиеге 543,7 млн. теңге қарастырылған.

Ақмаржан Әділбек

Фото автордікі

Сізден жаңалық