Қордайда мүлкі зардап шеккен азаматтарға 3,9 млн теңге ақшалай көмек көрсетіледі

15 Ақпан 2020, 15:08
1698
Бөлісу:
Қордайда мүлкі зардап шеккен азаматтарға 3,9 млн теңге ақшалай көмек көрсетіледі

Нұр-Сұлтан, BAQ.KZ. Қордайдағы оқиғалар салдарынан мүлкі зардап шеккен азаматтарға жалпы 3,9 миллион теңгенің ақшалай көмегі үлестіріліп, гуманитарлық көмектер көрсетілген.

Жамбыл облысының Қордай ауданындағы оқиғалар кезінде 185 азамат зардап шеккен. Бұл туралы облыс әкімдігінің баспасөз қызметі хабарлады. О

блыстық штабтың мәліметтері бойынша, зардап шеккендердің 34-і ауруханаға жатқызылған. Сондай-ақ, 39 тұрғын үй, 20 коммерциялық нысан және 47 автокөлік өртенген. 

Осы жылдың 7-13 ақпан аралығында Қордай, Қарасу, Ауқатты, Сортөбе бақылау-өткізу бекеттері арқылы Қырғыз Республикасына барлығы 23 131 адам өтіп, 21 261 адам кірген, - делінген ақпаратта. 

Дерекке сүйенсек, ауылдарды тазалау жұмыстарына 250 адам және 53 бірлік техника жұмылдырылып, барлығы 680 тонна құрылыс қоқысы шығарылыпты. Қазіргі уақытта 55 дүкен, 3 дәріхана, 14 жанармай құю бекеттері және 30 басқа да коммерциялық нысан тұрақты жұмыс істеуде. 

Жоғалған құжаттарды қалпына келтіру үшін Сортөбе ауылдық округі әкімдігінің ғимаратында мобильді халыққа қызмет көрсету орталығы құрылды. Ол орталық арқылы бүгінге дейін 54 туу туралы куәлік, 48 жеке куәлік, балаларға арналған 1193 балаларға арналған анықтамалық қағаздар, 15 жылжымайтын мүлік туралы құжат, 8 неке туралы куәлік, 1 паспорт берілген. Сонымен қатар, 778 зардап шегуші отбасыға барлығы 57,2 тонна болатын алғашқы кезектегі қажеттілік заттар мен азық-түліктерден құралған гуманитарлық көмек көрсетілді. Бұдан басқа, мүлкі зардап шеккен азаматтарға жалпы 3,9 миллион теңгенің ақшалай көмегі үлестірілген. 

Сондай-ақ, 17,5 тонна күріш, 40 тонна ұн, 7 тонна қант, 500 литр өсімдік майы және басқа да гуманитарлық көмектер көрсетілген. Бүгінгі таңда ауданда тұрақты жағдай сақталуда, құқықтық тәртіпті қамтамасыз ету бойынша тиісті жұмыстар жалғасуда.

Өзгелердің жаңалығы