Бас жаңалықтар
Мемлекеттік аппарат азаматтардың мүддесіне жұмыс істеуі тиіс – вице-министр
04 Қазан 2021, 13:14 1813

Мемлекеттік аппарат азаматтардың мүддесіне жұмыс істеуі тиіс – вице-министр

Нұр-Сұлтан, BAQ.KZ тілшісі. Бұл туралы ҚР Президенті жанындағы Орталық коммуникациялар қызметінің алаңында өткен баспасөз мәжілісі барысында Ақпарат және қоғамдық даму вице-министрі Болат Тілепов хабарлады. Сондай-ақ ол мемлекеттік аппараттың азаматтардың мүддесін басты орынға қоюы – «Халық үніне құлақ асатын мемлекеттің» басты қағидаты екендігін алға тартты.

Оның айтуынша, бұл ең алдымен жергілікті билік органдарына қатысты көрінеді. Дәл осы әкімдіктер азаматтармен өзара іс-қимыл жасауға және олардың проблемаларын жедел шешуге шақырады.

Қоғамдық кеңестер қызметінің ағымдағы жылдың 8 айындағы қорытындысы жасалды. Есептік кезеңде өз қызметі шеңберінде қоғамдық кеңестер 711 отырыс өткізді. Онда өзекті мәселелер, сонымен қатар қоғамдық бақылауды жүзеге асыру қорытындылары қаралды. Қоғамдық кеңестер түрлі мәселелер бойынша 780 ұсыным қабылдады, - деп атап өтті вице-министр.

Қоғамдық кеңестермен азаматтардың құқықтарына, бостандықтары мен міндеттеріне қатысты 3221 НҚА жобасы қаралған.

Оның ішінде 2917-і мақұлданды. Қоғамдық кеңестер мүшелерінің ескертулері мен ұсыныстарын ескере отырып 304-ке жуығы қабылданды, - деді Болат Тілепов.

Фото: ашық дереккөз
Загрузка...