Нұр-Сұлтан, BAQ.KZ. Үкіметке жанармай нарықтық бағасын 15 пайызға арзандатып, 165 теңгеге дейін төмендету міндеті жүктелді. Осыны қамтамасыз ету үшін 390 мың тонна жанармай жеңілдікпен сатылатын болады. Бұл туралы Президент өз мәлімдемесінде айтты.
Бүгінде 177 мемлекетте 800 мыңға жуық адам осы дертке шалдықты. Оны жұқтырғандар саны күнен-күнге артуда. Біз төтенше жағдай жариялап, Қазақстанда вирустың жаппай таралуына жол бермедік. Соның арқасында ахуалды бақылауда ұстап отырмыз. Халқы Қазақстанмен шамалас кейбір елдерде коронавирусқа шалдыққандар ондаған есе көп, - деді сөз басында Тоқаев.
Сонымен қатар мемлекет басшысы қиын-қыстау кезде халықтың сабырлық танытып, қолдау көрсеткені үшін алғыс білдірді.
Бұдан басқа мемлекет басшысы азаматтар мен бизнеске қолдау көрсету үшін қандай тапсырмалар бергеніне тоқталды.Мен елорда мен Алматыда ғана емес еліміздің барлық өңірінде каринтинді жариялауды тапсырдым. Барша қазақстандықтарға сабыр сақтап, түсіністік танытқаны үшін алғысымды айтамын. Біз дүрбіліең тудыруға жолбермейміз. Дәл осы кезеңде халық мемлекетке қолдау көрсетуі керек, - деп Тоқаев халықты мемлекетке қолдау көрсетуге шақырды.
Мен бұған дейін дағдарысқа қарсы алғашқы шаралар топтамасын жарияладым. Жағдайдың ушыға түскенін ескеріп, азаматтарға және бизнеске одан әрі қолдау көрсету жөнінде мынадай қосымша шешімдер қабылдадым. Инфляцияның артуына байланысты, зейнатақы, мемлекеттік жәрдемақы және атаулы әлеуметтік көмек мөлшерін 10 пайызға индексациялауды тапсырдым,- деді Президент.
