Қазақстандық бітімгерлерді БҰҰ-ның Африкадағы операцияларына дайындау мәселелері қаралды
2 Желтоқсан 2021, 21:43 209

Қазақстандық бітімгерлерді БҰҰ-ның Африкадағы операцияларына дайындау мәселелері қаралды

Нұр-Сұлтан, BAQ.KZ. Қорғаныс министрлігі мен Халықаралық Қызыл крест Комитеті арасында онлайн түрде штабтық келіссөздер жүргізілді, деп хабарлады министрліктің баспасөз қызметі.

Тараптар БҰҰ-ның Африкадағы миссияларына қатысу мақсатында Қазақстан Қарулы Күштерінің бітімгершілік контингентін дайындаудың өзекті мәселелері жөнінде пікір алмасты.

Халықаралық Қызыл Крест комитетінің сарапшылары Орталық Африка Республикасы, Конго және Малидегі қазіргі гуманитарлық жағдайға қатысты тәжірибемен және деректермен бөлісті. Қазақстан Қарулы Күштерінің бітімгершілік контингентін даярлау шеңберінде Қорғаныс ведомствосымен ынтымақтастық жоғары бағаланды. Бұл ретте Бітімгершілік дайындық орталығы және ҚР Тұңғыш Президенті – Елбасы атындағы Ұлттық қорғаныс университетімен өзара іс-қимылды атап өтуге болады, - делінген ақпаратта.

Халықаралық Қызыл Крест комитеті ел әскері үшін мамандар даярлауға, Қазақстан аумағындағы оқу-жаттығуларға қатысу үшін өкілдер жіберуге, сондай-ақ нұсқаушылар құрамын алмастыруға қолдау көрсетуге әзір  екенін растады.

Естеріңізге сала кетсек, Швейцарияға жасаған ресми сапары аясында Мемлекет Басшысы Қасым-Жомарт Тоқаев Халықаралық Қызыл Крест Комитетінің Президенті Петер Мауермен кездесіп, онда ел әскери қызметшілерінің БҰҰ бітімгершілік операцияларына қатысу ауқымын кеңейту жөніндегі жоспарлары туралы мәлімдеген болатын. 

Әскери контигент жіберетін ел ретінде Қазақстанның рөлі ерекше аталды. Бұған дейін ел Президенті Қазақстанның бейбітшілік, халықаралық қауіпсіздік және тұрақтылық қағидаттарына бейілділігін Қарулы Күштердің бітімгершілік қызметі іс жүзінде көрсетеді деп атап өткен болатын


Фото: ашық дереккөз
Загрузка...