Бас жаңалықтар
Ипотекалық несиелер үш айға шегерілетін болды
23 Наурыз 2020, 18:31 497

Ипотекалық несиелер үш айға шегерілетін болды

Нұр-Сұлтан, BAQ.KZ. Қазақстандықтарға ипотекалық төлемдерді үш айға кейінге қалдыру ұсынылды. Бұл туралы "Бәйтерек" Ұлттық басқарушы холдингі" АҚ баспасөз қызметі хабарлады.

"Бәйтерек" ҰБХ" АҚ тұрғын үй блогының еншілес ұйымдары (Тұрғын үй құрылыс жинақ банкі, Қазақстан ипотекалық компаниясы, Бәйтерек девелопмент) Қазақстанда төтенше жағдай әрекет ету кезеңінде мемлекеттік және меншікті бағдарламалар шеңберінде жеке және заңды тұлғалардың қарыздары бойынша мерзімін кейінге қалдыруды ұсынады.

Ағымдағы жылғы 23 наурызда Төтенше жағдай жөніндегі мемлекеттік комиссияның отырысында айтылған мемлекет басшысының тапсырмаларына сәйкес, уақытша қаржылық қиындықтарға тап болған жеке және заңды тұлғалар үшін Холдингтің тұрғын үй блогының еншілес ұйымдары барлық төлем бойынша, негізгі қарыз бен сыйақы сомасын қоса алғанда, тұрғын үй және тұрғын емес жылжымайтын мүлік объектілерін сатып алу құқығымен жалдау/сатып алу-сату (оның ішінде бөліп төлеу) барлық мәмілелері бойынша, айыппұлдар мен өсімақы есептемей, алдағы 3 айға (сәуір-маусым) төлемдерді кейінге қалдыру туралы шешім қабылдады, - делінген хабарламада.
Кейінге қалдыруды мемлекеттік операторлар қашықтықтан байланыс арналары (жеке кабинет, telegram-боттар, ресми сайттар) арқылы өтініш берушінің жүгінуі арқылы жеке тәртіппен қарайтын болады.

Барлық сұрақ бойынша call-орталықтардың нөмірлері бойынша хабарласуларыңызды сұрайды: 

Тұрғын үй құрылыс жинақ банкі: 300

Қазақстандық Ипотекалық компания: +7 800 080 44 48

Бәйтерек девелопмент: +7 7172 79 65 60, +7 800 080 01 01


Фото: ашық дереккөз
Загрузка...