Бас жаңалықтар
Иордания Королі Назарбаевқа жеке достығын жоғары бағалайтынын айтты
02 Сәуiр 2019, 19:25 564

Иордания Королі Назарбаевқа жеке достығын жоғары бағалайтынын айтты

Нұр-Сұлтан, BAQ.KZ. Қазақстан Республикасының Тұңғыш Президенті – Елбасы Нұрсұлтан Назарбаев Иордания Королі ІІ Абдалламен телефон арқылы сөйлесті. Бұл туралы Ақорданың ресми сайты хабарлады.

Иордания Королі ІІ Абдалла Нұрсұлтан Назарбаевтың Қазақстан Президенті өкілеттігін тоқтату туралы шешіміне қолдау білдіріп, бұл хабарды бүкіл әлем зор түсіністікпен қабылдағанын атап өтті.

ІІ Абдалла Нұрсұлтан Назарбаевпен жеке достығын жоғары бағалайтынын айтып, Елбасының Қазақстан мен Иордания арасындағы ынтымақтастықты қалыптастыру және дамыту ісіндегі тарихи рөліне тоқталды.

Иордания Королі Қазақстан Республикасының Тұңғыш Президенті – Елбасыға мықты денсаулық және алдағы қызметіне табыс тіледі.

Нұрсұлтан Назарбаев пен ІІ Абдалла алдағы уақытта тұрақты байланыстарын жалғастыра беруге уағдаласты.

 

Загрузка...