Бас жаңалықтар
Есірткі сатқан Қостанай тұрғыны 15 жылға сотталуы мүмкін
25 Қаңтар 2019, 21:50 1389

Есірткі сатқан Қостанай тұрғыны 15 жылға сотталуы мүмкін

Астана, BAQ.KZ. Қостанай облысы Полиция департаментінің Есірткі бизнесіне қарсы күрес басқармасының қызметкерлері жүргізген жедел әзірлеме нәтижесінде Қостанай қаласында 48-жасар жергілікті тұрғын ұсталып, оның гаражынан героин алынды. 170 граммнан астам есірткі затының заңсыз айналымға түсуіне тосқауыл қойылды.

Аталған дерек бойынша ҚР Қылмыстық Кодексінің «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту немесе өткізу»  297-бабы бойынша сотқа дейінгі тергеу амалдары басталды, жаза мерзімі мүлкін тәркілеумен 15 жылды құрайды.  

Ұсталған Уақытша ұстау изоляторына қамалды.

Өткен жылы полиция қызметкерлері еліміз бойынша 7374 қылмыстық есірткі құқық бұзушылығын анықтады, оның ішінде 1359 есірткі өткізу фактісі. Заңсыз айналымнан 18 тонна есірткі алынды, оның ішінде 40 кг жуық героин.

Загрузка...

Сізден жаңалық