Бас жаңалықтар
Білім және ғылым вице-министрі қызметінен босатылады
08 Қараша 2019, 04:33 1007

Білім және ғылым вице-министрі қызметінен босатылады

Нұр-Сұлтан, BAQ.KZ. Білім және ғылым вице-министрі Фатима Жақыпова басқа жұмысқа ауысуына байланысты қызметінен босатылады. Бұл туралы министрдің кеңесшісі Ерболат Мұхамеджан Facebook-тегі парақшасында хабарлады.

Білім және ғылым вице-министрі Ф.Н. Жақыпованы қызметінен босату мәселесі бойынша келесіні хабарлаймыз: қазіргі уақытта осы лауазымды тұлға басқа жұмысқа ауысуына байланысты ҚР Заңнамасына сәйкес атқарып отырған қызметінен босату бойынша келісу рәсімі жүргізілуде, - деп жазды ол.

Еске сала кетейік, бұған дейін Парламент Сенатының депутаты Еділ Мамытбеков ҚР премьер-министрі Асқар Маминге жолдаған сауалында білім және ғылым вице-министрі Фатима Жақыпованың плагиат ісімен айналысуын сұрағанын хабарлаған болатынбыз. 

 


Фото: ашық дереккөз
Загрузка...