Бас жаңалықтар
Бүгіннен бастап пойыздардың Нұр-Сұлтанға кіруіне және шығуына тыйым салынды
22 Наурыз 2020, 10:15 3064

Бүгіннен бастап пойыздардың Нұр-Сұлтанға кіруіне және шығуына тыйым салынды

Нұр-Сұлтан, BAQ.KZ. Мемлекеттік комиссияның 2020 жылғы 18 наурыздағы төтенше жағдайды қамтамасыз ету жөніндегі шешіміне сәйкес Нұр-Сұлтан қаласы тұрғындары мен қонақтарына осы жылдың 22 наурызы сағат 00:00-ден бастап қалаға кіруіне тыйым салынады.

Осыған байланысты 22 наурыздан бастап Нұр-Сұлтан қаласына келетін де, қаладан шығатын да пойыздардың қозғалысы тоқтатылды. Тек транзиттік пойыздарға ғана қалаға кіруге рұқсат беріледі. Алайда олар вокзалдарда тоқтай алмайды. 

Сонымен қатар "Қазақстан теміржолы" ҰК" АҚ карантин кезінде жолаушылар пойыздарының қозғалыс кестесіне мынадай өзгерістерді енгізді: 1. 44 жұп пойыздың қатынасы тоқтатылады (№1 қосымша) 2. 7 жұп транзиттік пойыздың қатынасы сақталады, бірақ олар Нұр-Сұлтан және Алматы станцияларына тоқтамайды (№2 қосымша) 3. 12 жұп пойыздың, оның ішінде жеке тасымалдаушыларға қарасты бағдарлардың қатынасы қысқартылды (№3 қосымша). 

Пойыздардың қозғалыс кестесіне енгізілген өзгерістер туралы ақпаратты Компанияның railways.kz сайтынан білуге болады. 

Жолаушылар пойыздарының қозғалыс кестесіне енген осы өзгерістермен халықты барынша хабардар ету және жедел ақпараттандыру үшін мынадай мазмұндағы СМС-хабарламаны тарату қажет: "Нұр-Сұлтан мен Алматы қалаларында карантиннің енгізілуіне байланысты аталған кезең бойынша жолаушылар пойыздарының қозғалыс кестесіне өзгерістер енгізілді. 

"Карантин кезеңіндегі жолаушылар пойыздарының қозғалыс кестесіне енгізілген кейбір өзгерістер туралы" толық ақпаратты "Қазақстан теміржолы" ҰК" АҚ railways.kz сайтынан білуге болады».




Фото: ашық дереккөз
Загрузка...