Бүгін еліміздің басым бөлігінде жел күшейіп, жаңбыр жауады

Нұр-Сұлтан, BAQ.KZ. «Қазгидромет» РМК 25 қыркүйекке арналған ауа райы болжамын жариялады.

Қазақстанның басым бөлігінде ауа ағындардың өтуіне байланысты құбылмалы ауа райы күтіледі. Түнде және күндіз кей жерде жауын-шашын жауады (жаңбыр, жылбысқы қар), жел күшейеді, тұман түсіп, оңтүстік-шығыста найзағай жарқылдайды.

Солтүстік Қазақстан облысының кей жерінде түнде жел 15-20 м/с, күндіз 15-20, кей жерлерде екпіні 25 м/с күшейеді, түнде кей жерлерде тұман болады.

Ақмола, Қостанай, Қарағанды облыстарының кей жерінде жел 15-20 м/с күшейеді, тұман күтіледі.

Алматы облысының найзағай кезінде, күндіз Түркістан, Шығыс Қазақстан облыстарының кей жерінде жел 15-20 м/с күшейеді.

Жамбыл, Батыс Қазақстан, Ақтөбе, павлодар облыстарының кей жерінде тұман түседі.

Ақмола, Атырау, Батыс Қазақстан, Ақтөбе, Қостанай, Солтүстік Қазақстан, Павлодар, Қарағанды облыстарының кей жерінде түнде 1-3 градус үсік жүреді.

Қызылорда, Түркістан облыстарында, Жамбыл облысының кей жерінде, Карағанды облысының оңтүстік және оңтүстік-шығысында, Батыс Қазақстан облысының оңтүстігіңде өте жоғары өрт қаупі сақталады.