Бас жаңалықтар
Қазақстан Еуро-2020 іріктеу матчында Кипрмен тең ойын көрсетті
07 Қыркүйек 2019, 13:45 777

Қазақстан Еуро-2020 іріктеу матчында Кипрмен тең ойын көрсетті

Нұр-Сұлтан, BAQ.KZ. Футболдан Қазақстан құрамасы Еуро-2020 іріктеу кезеңінде Кипр командасымен ойнап, тең түсті. Бұл туралы Vesti.kz хабарлады. 

I топтың бесінші турының ойыны Никосияда өтіп, 1:1 есебімен аяқталды. Екінші минутта шабуылшы Алексей Щеткин Қазақстанды алға шығарды. Бірінші таймның ортасында Кипр есепті теңестіру мүмкіндігіне ие болды, бірақ Қазақстан қақпашысы Дмитрий Непогодов саусағының ұшымен допты басқа жаққа бұрып жіберді.

Алаң иелері 39-шы минутта есепті теңестірді.

Екінші тайм голсыз өтті. Онда киприоттар белсенді болды, ал Қазақстаннан алаңға алмасып шыққан Максим Федин жақсы ойнады. Алайда, есеп - 1:1 болып қалды.

I топтың бесінші турының тағы екі матчы 7 қыркүйекке қараған түні өтеді: Бельгия Сан-Мариноны, ал Шотландия Ресейді қабылдайды.

Төрт турдан кейін І топта 12 ұпаймен Бельгия көш бастап тұр. Одан әрі тоғыз балмен - Ресей. Үшінші орында жеті ұпаймен Қазақстан тұр.

Алтыншы тур ойындары 9 қыркүйектен 10-қыркүйекке қараған түні болады: Ресей өз үйінде Қазақстанмен, Шотландия - Бельгиямен, ал Сан-Марино - Кипрмен ойнайды.


Фото: дереккөз
Загрузка...