Атырау облысының әкімі Құлсарыдағы жаңа аурухананың құрылысымен танысты

4 Тамыз 2020, 09:02
1554
Бөлісу:
Атырау облысының әкімі Құлсарыдағы жаңа аурухананың құрылысымен танысты

Нұр-Сұлтан, BAQ.KZ. Атырау облысының әкімі Махамбет Досмұхамбетов Жылыой ауданының орталығынан салынып жатқан 75 орындық жаңа аурухананың құрылыс барысын қарап шықты, деп хабарлайды Атырау облыстық коммуникация қызметі.    

"Теңізшевройл" ЖШС-нің "Игілік" әлеуметтік бағдарламасы аясында салынып жатқан орталық аурухананың құрылысы биыл мамыр айында басталған.  

Аурухананың негізгі корпусы 55 орынға ыңғайланған. Балаларға арналған 10, инфекциялық 10 орын болады. Ауруханада кір жуатын бөлмелер, үш көлікке арналған гараж, бақылау-тексеру пункттері, өрт сөндіру қауіпсіздігіне арналған жабдықтар, арнайы орындар, 65 текше метр таза су жинайтын цистерна, септик, аурухана пациенттеріне арналған автотұрақтар қарастырылған. Бұл нысанның құны – 7175,4 миллиард теңге. Құрылыс жұмысына жергілікті тұрғындар тартылған, - делінген хабарламада.

Облыс әкімі Махамбет Досмұхамбетов құрылыстың сапасына қатты мән беріп, белгіленген кестеге сәйкес жұмыс істеуді тапсырды.  

Айта кетейік, аурухана ел игілігіне келесі жылы берілмек.

Өзгелердің жаңалығы