Бас жаңалықтар
Алимент төлеуден қашатын әке көбейді
27 Қыркүйек 2020, 20:20 175

Алимент төлеуден қашатын әке көбейді

Нұр-Сұлтан, BAQ.KZ. Қостанай облысында 14 мыңға жуық бала өздеріне тиіс алиментке қол жеткізе алмай жүр. «Қашқын әкелердің» қарызы 100 миллион теңгеге жуықтаған. 

24.kz сайтының мәліметіне қарағанда, бұл сома былтырғы кезеңмен салыстырғанда 25%-ке көп. Әсіресе, соңғы алты айда берешек көлемі қордалана түскен. 

Сот орындаушылар жағдайды пандемиямен байланыстырады. Борышкерлер «карантиндік шектеулер салдарынан жұмыссыз қалдық», деп алимент төлеуді кейінге ысырған. Ал 360 адам саналы түрде жалтарып жүр. Кейбірі жұмыс берушімен еңбек шартын жасамастан жалақыларын қолма-қол алып, табыстарын төмендетіп көрсеткен. 

Бірінші квартал бойынша 52 әкімшілік материал сотқа жіберілді. Соның ішінде 25-сі қаралып әкімшілік жауапқа тартылды. Қылмыстық жауапқа тарту үшін 11 құжат жіберілді. Соның біреуі сотта қаралуда - дейді облыстық жеке сот орындаушылар палатасы басшысының орынбасары Есенгелді Шодыров.



Фото: ашық дереккөз
Загрузка...